Uburusiya : Abakozi 30 baserukira Amerika bagiye kwirukanwa

Yanditswe na MUGISHA Van Naris
Kuya 11 juillet 2017 saa 02:39
Yasomwe : 7335
0 0

Abategetsi b’igihugu c’Uburusiya bamenyesha ko igihugu c’Uburusiya citeguriye kwirukana abakozi 30 baserukira igihugu ca Reta Zunze Ubumwe za Amerika,bakigarurira kandi ubutunzi igihugu ca Reta Zunze Ubumwe za Amerika gitungiye mu Burusiya.

Nkuko amakuru y’iradiyo y’abongereza BBC abimenyesha,ikinyamakuru Daily Izvesta canditse ko ayo makuru yamenyeshejwe n’ubushikiranganji bw’imigenderanire y’Uburusiya n’ibindi bihugu.

Ayo makuru nyene,amenyesha ko izo ngingo z’igihugu c’Uburusiya ari izije kwishura ku bivugwa ko igihugu c’Uburusiya civanze mu bijanye n’amatora yabaye muri Reta Zunze Ubumwe za Amerika.

Izo ngingo zafatiwe Reta Zunze Ubumwe za Amerika,zije mu gihe igihugu c’Uburusiya cari gisanzwe carafatiwe ibindi bihano na Reta Zunze Ubumwe za Amerika.

Mu kwezi kwa cumi na kabiri umwaka uheze wa 2016,ubutegetsi bwa Obama bwirukanye abaserukira Uburusiya 35 bunigarura ivyicaro bibiri vy’iperereza ry’ico gihugu vyari mu gihugu ca Reta Zunze Ubumwe za Amerika.


Kumenyekanisha

Kumenyekanisha

Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha