Uburusiya : Uwurongoye abatavuga rumwe na Reta agiye gupfungwa imisi 30

Alexei Navalyn yafatiwe ku muhana wiwe i Moscou kuri uwu wa mbere igenekerezo rya 12 Rusama 2017, imbere y’uko imyiyerekano yo kwiyamiriza abanyuruza itunga ry’igihugu itangura.

BBC imenyesha ko igiporisi kijejwe kugwanya imyiyerekano cafashe abantu amajana mw’isinzi ry’abari bitavye iyo myiyerekano mu gihugu cose. Igiporisi kikamenyesha ko abantu bashika ibihumbi 5 aribo bitabiriye iyo myiyerekano ku mugwa mukuru Moscou.

Alexei Navalny arongoye abatavuga rumwe na Reta mu gihugu c’Uburusiya

Alexei Navalyn w’imyaka 42 arongoye abatavuga rumwe na Reta y’Uburusiya, akaba yaremeje abicishije ku muhora wiwe wa Twitter, ko yahanishijwe umunyororo w’iminsi 30.