Ubwongereza : Abantu 6 bahitanwe n’umuriro mu nyubakwa "Grenfell Tower"

Yanditswe na Vianney BIKORIMANA
Kuya 14 juin 2017 saa 02:14
Yasomwe : 3051
0 0

Igorofa "Grenfell Tower" iri mu gisagara ca Londres mu gihugu c’Ubwongereza yadutsemwo umuriro mwinshi kuri uwu wa gatatu, abantu bagera kuri batandatu nibo bamaze kumenyekana ko bahasize ubuzima.

Ico gitigiri c’abamaze kwitaba Imana muri iyo mpanuka y’umuriro ni ic’imfatakibanza, kuko abajejwe gutabara hamwe n’ukuzimya amasanganya y’umuriro babandanya bagerageza kuzimya uwo muriro, abegereye hafi y’iyo nyubakwa yahiye bakamenyesha ko hari abantu baheze muriyo nyubakwa baguma basaba ko botabagwa.

Igisata kijejwe kuzimya umuriro mu gisagara ca Londres kikaba carungitse amakanyo ashika kuri 40 muri ico gikorwa carungitswemwo abakozi bagera ku majana abiri.

Igorofa "Grenfell Tower" yatewe n’umuriro mw’ijoro ryo kuri uwu wa kabiri, rishira uwa gatatu, nk’igihe c’isaha indwi n’iminota 16 mu masaha y’aho mu gihugu c’Ubwongereza.

Abantu bagera kuri 50 akaba aribo bariko bavurirwa mu bitaro bitandukanye.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha