Umuyobozi w’ihinguriro rikora imodoka za Audi yahagaritswe

Yanditswe na MUGISHA Van Naris
Kuya 18 juin 2018 saa 03:37
13350
0 0

Ihinguriro ry’imodoka Volkswagen ryavuze ko umuyobozi mukuru w’ihinguriro rikora imodoka zo mu bwoko bwa Audi, Rupert Stadler yahagaritswe yongera arapfungwa.

Amakuru dukesha urubuga rw’iradiyo y’abongereza BBC, amenyesha ko umuvugizi w’ihinguriro VW yavuze ko Stadler Rupert yafashwe mu gitondo ko kur’uno wa mbere igenekerezo rya 18 Ruheshi 2018, aca yumvirizwa na sentare ishobora kuvuga ko yoguma apfunzwe.

Ihinguriro ry’imodoka Audi ryagirizwa ko imodoka zayo zirekura ivyuka vya diesel kandi iryo shirahamwe ryaravyemeye ko imodoka 60000 zo mu bwoko bwa A6 na A7 z’imoteri za diesel zifise ibibazo vyo kurekura ivyuka.

Iradiyo BBC, ivuga ko ico gitigiri kije kwiyongera ku modoka 850000 zo mu bwoko bwa Volkswagen zagaruwe mu mwaka uheze, nke murizo zikaba arizo zahinduriwe ico kibazo.

Mu mwaka wa 2015 niho ico kibazo c’ivyuka birekurwa n’imodoka z’imoteri za diesel catangura kuja ahabona, ihinguriro Volkswagen ryariyemereye ko hafi imodoka 600000 zagurishijwe muri Amerika, zari zifise ibikoresho biburagiza ibipimo vyo kwerekana ko zifise ivyuka.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha