Umuyobozi w’ikinyamakuru IGIHE yahagaritswe mu kazi n’urwego CNC

Yanditswe na IGIHE
Kuya 26 Kigarama 2017 saa 05:24
66450
0 0

Urwego CNC rujejwe kugenzura itangazamakuru mu Burundi rwafashe ingingo y’uguhagarika mu kazi Egide NDUWIMANA, umuyobozi ajejwe itangazamakuru mu kinyamakuru IGIHE. Iyo ngingo ifashwe inyuma y’aho ishirahamwe ACOPA Burundi rirongowe na KAZIHISE Pierre Claver ryitwariye ico kinyamakuru kubera inkuru yakozwe ivuga ivy’incungu z’Uburundi, RWAGASORE Louis na NDADAYE Melchior.

Ibihano vyafatiwe ikinyamakuru IGIHE vyamenyekanye ku muhingamo wo kuri uwu kuri uwu wa kabiri, mu rwandiko urwego CNC rwasohoye.

Ivyo bihano vya CNC bivuga ko Egide NDUWIMANA, umuyobozi ajejwe itangazamakuru mu kinyamakuru IGIHE ahagaritswe kurangura umwuga w’itangazamakuru mu kiringo c’amezi atatu.

N’ikibanza gicishwamwo ivyiyumviro vy’abanywanyi b’ikinyamakuru IGIHE (Rubrique Commentaires) cahagaritswe mu kiringo c’iminsi mirongo itatu.

Umuyobozi w’ikinyamakuru IGIHE avuga ko atakiriye neza iyo ngingo, akavuga ko yari yatumweko kwisigura muri CNC.

Egide NDUWIMANA : "Ubwa mbere twaratangaje n’ukubona ishirahamwe ACOPA Burundi ariryo ryitwara kandi ritigeze rivugwa muri ayo makuru twakoze. Iryo shirahamwe ntiryigeze riturondera kugira dutange umuco, canke tubahe umwanya w’ukugira ico bashikirije kuri ayo makuru."

Umuyobozi w’ikinyamakuru IGIHE avuga ko azoshira mu ngiro ivyo bihano vyafashwe, agasaba urwego CNC ko rwofatira ku nsiguro zatanzwe, ivyo bihano bigabanuke.


Kumenyekanisha

1
karimu 28-12-2017 à 10:12

Biteye isoni

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha