Urwego CNC rwahagaritse ibihano vyari vyahawe ikinyamakuru Le Renouveau

Yanditswe na BIKORIMANA Vianney
Kuya 23 mai 2018 saa 12:35
22620
0 0

Ikigo c’igihugu kijejwe kugenzura ibinyamakuru mu Burundi CNC (Conseil National de la communication) cahagaritse ibihano cari cafatiye ikinyamakuru “Renouveau du Burundi ’’ congera giha uburenganzira ico kinyamakuru kwandika mu gisata co kumenyekanisha, mu rurimi rw’icongereza hamwe n’ururimi rw’igiswahili.

Mu kiganiro yahaye abamenyeshamakuru kur’uno wa gatatu igenekerezo rya 23 Rusama 2018,umukuru w’ikigo CNC, Karenga RAMADHAN, yamenyesheje ko ibihano vyari vyafatiwe ico kimenyeshamakuru bikuwe kubera cemeye icese ko ivyo cagirijwe bifise ishingiro congera gisaba gutezurirwa.

Muri ico kiganiro,Karenga RAMADHAN atwara CNC, yavuze kandi ko ashima intambwe iradiyo y’abongereza BBC hamwe n’iradiyo ijwi rya Amerika bamaze gushikako mu kwandikira ico kigo, bemeza ko amakosa bagirijwe afise ishingiro.

JPEG - 72.5 ko
KARENGA Ramadhan, umukuru w’urwego CNC

Karenga RAMADHAN yavuze ko abaserukira ayo maradiyo bemeje ko bagiye kugira urugendo hano mu Burundi kugira baganire na CNC kuvyerekeye ico kibazo.

Umukuru w’ikigo CNC yaboneyeho akaryo ko gutera akamo iradiyo canke ikinyamakuru coba gifise akakibakiye kwegera ico kigo kugira umuti utorerwe hamwe.

Ikinyamakuru ca Reta Renouveau cari cahagarikiwe igisata co kumenyekanisha mu kiringo c’amezi atatu.


Kumenyekanisha

1
Gahungu lem 24-05-2018 à 22:12

Nibashake Birekere Amatora Yaraheze Bareke Kwirusha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha