WAP-Burundi yatunganije urugendo rw’amahoro kuri uwu wa gatandatu

Yanditswe na MUGISHA Van Naris
Kuya 15 décembre 2017 saa 12:26
10515
0 0

Inyuma y’ibiganiro biheruka kubera i Arusha kuva kw’igenekerezo rya 28 Munyonyo gushika kurya 7 Kigarama 2017, Ishirahamwe ry’abakenyezi bishinze gutsimbataza amahoro WAP-Burundi rihamagarira abarundi bose kwitaba urugendo rw’amahoro rutegekanijwe kuba kuri uwu wa gatandatu igenekerezo rya 16 Kigarama 2017, mu gisagara ca Bujumbura.

Mw’itangazo ishirahamwe WAP ryasohoye kuri uwu wa gatanu igenekerezo rya 15 Kigarama 2017, rimenyesha ko umufasha w’umuhuza yatunganije ibiganiro birimwo bose, naho nyene hari amashirahamwe akorera adaharanira ivyicaro vya poritike akorera mu Burundi atatumiwe.

Muri iryo tangazo, umukuru w’ishirahamwe WAP-Burundi Rose NTAWE, amenyesha ko ishirahamwe arongoye rishima ibikorwa vyaranze abitavye ibiganiro, aho berekanye ko bashigikiye ubwigenge bw’igihugu.

Ishirahamwe WAP-Burundi rimenyesha ariko ko ribabazwa n’inyifato ya bamwe mu bitavye ibiganiro berekanye ko bagishigikiye abahungabanye abanyagihugu n’inzego zirongoye igihugu, babicishije mu nyandiko.

Ishirahamwe WAP-Burundi rihamagarira ayandi mashirahamwe n’ababishoboye bose kwifadikanya nabo, mu rugendo rw’amahoro rwatunganijwe ku civugo :’’ Dushigikire amahoro, inkingi y’iterambere rirama.’’

Nk’uko biri muri iryo tangazo, urwo rugendo ruzotangurira mu kibanza citiriwe Ishirahamwe Mpuzamakungu ONU kiri mu Ngagara hafi y’isoko ya COTEBU, igihe c’isaha zibiri z’igitondo kuri uwu wa gatandatu.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha