Abanyarwanda bagirizwa jenoside bafashwe i Londres

Abanyarwanda batanu bafatiwe mu Bwongereza ku cipfuzo c’Urwanda kugira barungikwe muri ico gihugu baje gukurikiranwa n’ubutungane ku vyaha vyo guhohotera kiremwa muntu.

Abo bafashwe bahora ari abatware:

Emmanuel Nteziryayo yahoze ari umukuru wa komine Mudasomwa;
Charles Munyaneza yahoze ari umukuru wa komine Kinyamakara;
Celestine Ugirashebuja yari umukuru wa komine Kigoma;
Dr Vincent Bajinya yakora muri ONAPO hamwe na
Celestine Mutabaruka yari umuyobozi w’umugambi Crete Zaire Nil muri Gikongoro, abo bose bakaba barengutse muri sentare i Londres.

Bagirijwe kuba baragize uruhara rw’indongozi mu honyabwoko ryo mu mwaka w’1994, aho ibihumbi n’ibihumbi vy’abatutsi n’abahutu bagandaguwe.

Mu mwaka w’2009, bane muri abo bari batsinze urubanza bari bunguruje ku ngingo yari yafashwe yo kubarungika mu Rwanda. Ico gihe abacamanza bavuga ko ata rubanza rwiza bari kuronka mu Rwanda.