Advertisement
Kumenyekanisha
  IGIHE.bi \BB Amakuru \BB Mu makungu
Barack Obama yatanguye urugendo rwiwe rwa mbere muri Cuba
Yanditswe taliki ya 21-03-2016 - isaha 11:11' na IGIHE

Umukuru w’igihugu wa Reta Zunze Ubumwe za Amerika Barack Obama yashitse mu gihugu ca Cuba, mu rugendo rukomeye rw’iminsi ibiri, muri urwo rugendo akazogirana ibiganiro b’abayobozi b’ico gihugu.

Barack Obama niwe mukuru w’igihugu wa mbere wa Reta zunze ubumwe za Amerika agendeye ico gihugu mu myaka 88 iheze.
Muri urwo rugendo yaherekejwemwo n’umuryango wiwe ugizwe n’umugore wiwe hamwe n’abakobwa biwe babiri Sasha na Malia, Barack Obama yashitse muri Cuba kuri uwu w’Imana, areruwe n’indege yiwe Air Force One.

JPEG - 114.7 ko
Barack Obama yaherekejwe n’umugore wiwe hamwe n’abakobwa biwe babiri Sasha na Malia

Bose bakiriwe na Bruno Rodriguez, umushikiranganji w’imigenderanire ya Cuba n’ibindi bihugu, akaba yamenyesheje ko anezerejwe n’ukuba ari muri ico gihugu, kuko urugendo nk’urwo rwaheruka kuba mu mwaka w’1928, uwari umukuru w’igihugu wa Reta zunze ubumwe za Amerika Calvin Coolidge akaba yashitse muri ico gihugu bitoroshe mu rugendo yamaze iminsi itatu ari mu nzira. Barack Obama yamenyesheje ko bishimishije kubona yafashe amasaha atatu gusa kugira ashike muri ico gihugu, indege yiwe Air Force One ikururukira ku kibuga c’indege ca Cuba ataho abanje guca.

Barack Obama azobonana muri urwo rugendo na Raul Castro umukuru w’igihugu wa Cuba, bakazoganira ku migenderanire ya poritike n’ubudandaji.

Urwo rugendo rubaye mu gihe hakiri ibihano muvy’ubutunzi Amerika yafatiye Cuba haraheze imyaka 54, bikaba bidategekanijwe ko abo bategetsi bompi baganira kuri ivyo bihano.
Igihugu ca Cuba kikaba kandi kidashimishwa n’ukuba Amerika igifise ibirindiro vy’abasirikare i Guantanamo, ahasanzwe hari ibohero rikomeye rya Amerika.

Ivyiyumviro vyanyu

Niyumvira Mwondekura Nkabishira Muri Memorikadi

21.03.2016 à 13:08
Joseph

ANDIKA ICIYUMVIRO CAWE KURI IYI NKURU

AMATEGEKO AGENGA IYANDIKWA RY’ICIYUMVIRO CAWE:
Ntiwandike ibitajanye n’iyi nkuru, ibitutsi, ivyararaza uwundi canke ibicanishamwo, ntiwandike ibiteye isoni.
Andika email yawe aho vyagenewe. Iciyumviro cawe kija ahabona ari uko camaze gusuzumwa na IGIHE.bi.
Ibi bidakurikijwe, iciyumviro cawe gishobora kutaja ahabona canke kigafutwa, murakoze.