Advertisement
Kumenyekanisha
  IGIHE.bi \BB Amakuru \BB Mu makungu
Equateur : Igitigiri c’abahitanwe na nyamugigima kigeze kuri 272
Yanditswe taliki ya 18-04-2016 - isaha 11:59' na IGIHE

Inyuma ya nyamugigima ikomeye yo ku rugero rwa 7.8 (Magnitude) yabaye mw’ijoro ryo ku wa gatandatu mu gihugu ca Equateur. Iyo niyo nyamugigima ya mbere ikomeye ibaye muri Equateur kuva mu mwaka wa 1979. Igitigiri c’abapfuye kimaze gushika ku 272, mu gihe abarenga 1500 bakomeretse.

Ubuyobozi muri ico gihugu buvuga ko ico gitigiri gishobora kwiyongera kuko ibikorwa by’ubutabazi bikibandanya. Gushika ubu, abasirikare ibihumbi 10 n’abaporisi 3500 nibo bamaze kurungikwa mu duce twasinzikaye cane.

Rafael Correa, umukuru w’igihugu ca Equateur yari mu rugendo mu gihugu c’Ubutariyano igihe iyo nyamugigima yaba, akaba yaciye afata ingingo y’ugutaha mu gihugu ciwe, yongera atanguza ibihe bidasanzwe, anavuga ko icihutirwa ari ukurondera abakiri bazima bagatabarwa.

Icegera c’Umukuru w’igihugu wa Equateur, Jorge Glas, yagendeye agace ka Manta kasinzikaye cane muri iyo nyamugigima, abanyagihugu bakaba bamubwiye ko hakiri abaheze munsi y’inyubakwa zasenyutse.

Indege nizo zatwaye abasirikare barungitswe muri utwo tuce twasinzikaye, kuko bitoroshe gushikayo n’imiduga, mu gihe amabarabara yabomaguritse.

Abanyagihugu bacitse kw’icumu bakaba bariko bahabwa imfungurwa hamwe n’ibindi bikoresho vya nkenerwa.

Ivyiyumviro vyanyu

Imana Ibakire nukuri !Kandi birababaje kandi biratey’ikigongwe ! Abafis uburyo babafashe,batibagiy amasengesho.

18.04.2016 à 15:34
Hitimana François

ANDIKA ICIYUMVIRO CAWE KURI IYI NKURU

AMATEGEKO AGENGA IYANDIKWA RY’ICIYUMVIRO CAWE:
Ntiwandike ibitajanye n’iyi nkuru, ibitutsi, ivyararaza uwundi canke ibicanishamwo, ntiwandike ibiteye isoni.
Andika email yawe aho vyagenewe. Iciyumviro cawe kija ahabona ari uko camaze gusuzumwa na IGIHE.bi.
Ibi bidakurikijwe, iciyumviro cawe gishobora kutaja ahabona canke kigafutwa, murakoze.