Equateur: Hasubiye kwibonekeza Ikinyamugigima ca kabiri

Mugihugu ca Equateur hasubiye kwibonekeza Ikinyamugigima cabaye mu nkengera y’igihugu ca Equateur (Equador), mu gihe ata n’indwi imwe yari bwahere ikindi kinyamugigima gihitanye ubuzima bw’abantu amajana atandatu.

Kugeza ubu ntamakuru menshi araboneka inyuma y’ico canyamugigima cari gifise inguvu z’igipimo ca Richter 6.
Vyabaye ngombwa ko abantu bava mu mazu yabo mu kwikingira,Ico canyamugigima cabereye kw’ibahari uvuye ku nkengera mu karere ko hagati mu gihugu ca Equateur, ariko nta gabisha na rimwe ryari ryabaye ko hashobora kuba ikintu na kimwe.
Reta ya Equateur yamenyesheje ku musi wa gatatu ko iriko irarondera imiriyaridi y’amadorare y’Amerika yo gusanura ivyononekaye bivuye kuri canyamugigima ca mbere cabaye ku musi wa gatandatu.

Imwe mu nzira izokoreshwa ni ukwongerezwa kw’amakori vy’agateganyo.
Umukuru w’igihugu Rafael Correa yavuze ko ico kinyamugigima ca mbere catumye hononekara ibintu biciye imiriyaridi zitatu zamafranga y’Amerika.