Nepal : Nyamugigima yahitanye abantu 114

Mu gihugu ca Nepal Nyamugigima yahitanye abantu 114. Iyo Nyamugigima ikaba yabaye ku birometero 77 mu Buraruko bushira uburengero bwa Katmandou.

Ibibomoka vy’amazu vyaguye ku bantu. Inzu y’ingenzi y’i Dharhara ifise inyubakwa cenda yaguye ku bantu isinzi, aho babasanze munsi y’ivyo bibomoka, nk’uko ababibonye bavyiganye ku mboneshakure yaho muri Nepal, kuri uno wa 25 Ndamukiza uno mwaka.

Impome z’amazu zaguye mu ma barabara, abantu bakaba bari hanze, iyo Nyamugigima ikaba yamaze iminota ibiri n’amasegonde 30, ikaba yumvikanye no mu gisagara ca New Delhi.

Umushikiranganji wa mbere w’igihugu c’Ubuhindi , akaba amenyesha ko bariko baregeranya amakuru y’ivyo vyononekaye, maze baheze bagarukire kuri abo bahuye n’ivyo vyago.