Advertisement
Kumenyekanisha
  IGIHE.bi \BB Amakuru \BB Mu makungu
Pakistani : Abantu 60 basize ubuzima mu gitero c’iterabwoba, abandi 160 barakomereka
Yanditswe taliki ya 8-08-2016 - isaha 22:50' na IGIHE

Igiporisi co muri Pakistani kimenyesha ko abantu 60 bishwe abandi 160 barakomeretswa na bombe yatewe n’umwiyahuzi ku bitaro biri mu gisagara ca Quetta. Aho ni mu bumanuko bushira uburengero bwa Pakistani.

Abategetsi b’ivyo bitaro bamenyesha ko abarenga cumi muri abo bakomeretse bababaye cane kandi ko n’igitigiri c’abapfuye gishobora kwiyongera. Benshi mu bapfuye ni abashingwamanza.

Ico gitero cabaye haheze umwanya muto cane abo bashingwamanza bari bahejeje gukoranira kuri ivyo bitaro, aho bariko biyamiriza kandi bibuka iyicwa ry’umukuru yari arongoye urwego rwabo yishwe kuri uwu wa mbere nyene n’abantu bataramenyekana.

Abamenyeshamakuru hamwe n’abafata amasanamu bariko bakurikirana iyo myiyerekano nabo bari mu basize ubuzima n’abakomerekeye muri ico gitero.

VOA dukesha iyi nkuru ivuga ko akagwi k’intagondwa kiyonkoye ku batalibani muri ico gihugu ca Pakistani kitwa, Jamaat-ul-Ahrar (JuA) katangaje ko ariko kakoze ico gitero.

Umuvugizi wabo yabwiye Ijwi ry’Amerika ko ako karwi kagiye gukora ibindi bitero nk’ivyo mu minsi iri imbere.

Igihugu ca Reta zunze ubumwe za Amerika catangaje mu ndwi iheze ko ako kagwi ari umuhari w’iterabwoba.

Reta ya Pakistani, ibicishije ku muvugizi wayo, Kakar, itangaza ko ico gitero gikozwe mu kwihora ku bitero Reta ya Pakistani yari imaze iminsi ikora vyo kurwanya imihari y’iterabwoba.

Ivyiyumviro vyanyu

YO BIRABABAJE NIBIHANGANE NATWE MUBURNDI AMAGERENADE YARI YATUMAZE

10.08.2016 à 22:09
Astere

ANDIKA ICIYUMVIRO CAWE KURI IYI NKURU

AMATEGEKO AGENGA IYANDIKWA RY’ICIYUMVIRO CAWE:
Ntiwandike ibitajanye n’iyi nkuru, ibitutsi, ivyararaza uwundi canke ibicanishamwo, ntiwandike ibiteye isoni.
Andika email yawe aho vyagenewe. Iciyumviro cawe kija ahabona ari uko camaze gusuzumwa na IGIHE.bi.
Ibi bidakurikijwe, iciyumviro cawe gishobora kutaja ahabona canke kigafutwa, murakoze.