Umugore wa mbere ashaje kw’isi yapfuye

Misao Okawa yamenyekanye nk’umugore wa mbere ashaje kw’isi yose, yapfuye haheze ukwezi kumwe yujuje imyaka 117 y’amavuko.

Misao Okawa yamenyekanye nk’umugore wa mbere ashaje kurusha abandi, yapfuye ku myaka 117 nk’uko vyamenyeshejwe n’ubuyobozi bw’inzu y’uburuhukiro yahora abamwo.
Misao Okawa yavutse kw’igenekerezo rya 5 Ntwarante mu mwaka w’1898 mu gisagara ca Osaka kiri mu gihugu ca Japon. Misao yabaye umugore wa mbere ashaje kw’isi yose, ku myaka 114 y’amavuko, mu mwaka w’2014.

Uwo mugore asize abana batatu, abuzukuru 4, n’abuzukuruza 6. Misao yaheruka kuboneka, akikujwe n’umuryango wiwe, cane cane umuhungu wiwe mukuru afise imyaka 92. Kw’ isabukuru ry’imyaka 117 yiwe, yifotoje n’umuryango wiwe ameze neza, yambaye na neza.

Muri ico gihe vyarabonetse ko n’ubwo ashaje cane, afise amagara meza.
Igihugu ca Japon cibonekeje nk’igihugu gifise abantu baramba cane, mu gihe n’umugabo wa mbere ashaje kw’isi yose, afise imyaka 112 aturuka muri ico gihugu.