Umwami Mswati wa 3 yankiwe guhonyora ku butaka bwa Canada

Indege yari ireruye umwami Mswati wa gatatu wa Swaziland yankiwe kurwa muri Canada ku ncuro ya kabiri mu myaka ibiri nyene, kubera amatati y’amadeni.

Iyo ndege y’umwami Mswati yabujijwe kugwa kubera urubanza ruri muri sentare, aho uwahora akorana urudandaza n’uwo mwami yamuka mu gihugu ca Singapour, ariwe Shanmuga Rethenam, yamwitwariye, avuga ko yishuza ubwami bwa Swaziland amafaranga y’amadorare agera ku miriyoni umunani, nk’uko BBC ibivuga.

Umwami Mswati wa gatatu wa Swaziland

Percy Simelane, umuvugizi wa Reta ya Swaziland yarahakanye kuri uwu wa gatatu ko umwami Mswati wa gatatu afise ideni iryariryo ryose, avuga mbere ko ata vyinshi afise ashikiriza kuri izo mpari, kuko urubanza ruri muri sentare.