Advertisement
Kumenyekanisha
  IGIHE.bi \BB Amakuru \BB Rwanda
Uwukekwa ko akorana n’umurwi wa Islamic State yarashwe n’igiporisi c’Urwanda
Yanditswe taliki ya 19-08-2016 - isaha 08:47' na IGIHE

Igiporisi c’Urwanda kimenyesha ko umuntu umwe yishwe arashwe n’abajejwe umutekano igihe yagerageza kurasana n’abaporisi bamurondera mu gace ka Nyarutarama mu gisagara Kigali.

Itangazo ry’igiporisi c’Urwanda rivuga ko uwo mugabo yamenyekanye kw’izina rya Channy Mbonigaba yari akurikiranwako ibikorwa vy’iterabwoba, nawe nyene akaba yarashe agakomeretsa umuporisi umwe mu bariko baramuhiga.

JPEG - 175.9 ko
ACP Celestin Twahirwa, umuvugizi w’igiporisi c’Urwanda

Uwo ni umuntu wa kabiri arashwe n’igiporisi c’Urwanda muri uwu mwaka, akekwako gukorana n’umutwe wa Islamic State urwana mu gihugu ca Syria.

Mu kwezi kwa mbere, igiporisi c’Urwanda carashe uwitwa Muhammed Mugemangango yari apfungiwe mu gasho k’igiporisi i Kanombe, mu gisagara ca Kigali. Igiporisi casiguye ko uwo mugabo yarashwe ariko agerageza gutoroka.

Iperereza ry’Urwanda ryerekanye ko uwo Mugemangango yakorana vya hafi n’umutwe wa Islamic State, mu rwego rwo kuwuronderera abarwanyi hamwe n’ugukwiragiza imigambi y’uwo murwi mu Rwanda.

BBC dukesha iyi nkuru ivuga ko inyuma y’iraswa ryiwe, umurwi w’abayislamu 23 batawe muri yompi hirya no hino mu Rwanda, bakaba bakurikiranweko ibikorwa vy’iterabwoba, cane cane gukorana vya hafi n’umutwe wa Islamic State.

Bamwe muribo ariko barabihakana, bakavuga ko bazira ubusa, abandi bakavuga ko bafunzwe bazira amashari ya bagenzi babo bo mw’idini rya Islamu bafatiye ku cuka c’iterabwoba rivugwa kw’isi, bakabona kurondera ivyaha babegekako.

Ivyiyumviro vyanyu

Yesss !!ni ukubarasa ntaguhusha twe tuzi icyo aricyo umutekano ureke za njiji z’aba DD batazi ibyo bakora ?komera Rwanda

20.08.2016 à 09:03
Ubudasa

nangorane dushaka nuwundi wese uzagerageza kuzana umutekano muke azoraswa ntabyo kubaza ingene byagenze apfa gusa kuba yafatiwe mubikorwa byiterabwoba
duce umuco wo kudahana.

20.08.2016 à 06:21
turaje

Oya nibareke kubica arko batohoze neza batazana indyane mu gihugu cifitiye amahoro, aho kobabica babirukane mu gihugu.

20.08.2016 à 04:16
######

Kubarasa siwo muti. Ariko bafashwe bakabazwa neza niho iyo ngorane yomenyekana umuzi wayo.

19.08.2016 à 14:20
.

ANDIKA ICIYUMVIRO CAWE KURI IYI NKURU

AMATEGEKO AGENGA IYANDIKWA RY’ICIYUMVIRO CAWE:
Ntiwandike ibitajanye n’iyi nkuru, ibitutsi, ivyararaza uwundi canke ibicanishamwo, ntiwandike ibiteye isoni.
Andika email yawe aho vyagenewe. Iciyumviro cawe kija ahabona ari uko camaze gusuzumwa na IGIHE.bi.
Ibi bidakurikijwe, iciyumviro cawe gishobora kutaja ahabona canke kigafutwa, murakoze.