Umugambwe RANAC uvuga ko amatora y’ibwirizwa nshingiro yaranzwe n’utunenge

Mu kiganiro yahaye abamenyeshamakuru kuruno wa kabiri igenekerezo rya 22 Rusama 2018,umunyabanga ajejwe kumenyesha amakuru akaba n’umuvugizi wa RANAC Georges NIKIZA yamenyesheje ko bafise ubwoba ko utunenge twibonekeje murayo matora aheruka dushobora kwibonekeza mu matora yimirije.

Georges NIKIZA yavuze ko utunenge twibonekeza mu matora aritwo ntandaro y’indyane zama zibonekeje ari naco gituma umurwi ujejwe gutunganya amatora CENI ukwiye kugerageza gutunganya amatora yimirije mu gushira imbere ko ico gikorwa kiraba bose ku nyungu y’igihugu n’abanyagihugu.

Uyo munyamabanga ajejwe kumenyesha amakuru akaba n’umuvugizi wa RANAC asaba abanywanyi bagipfunzwe bari bashigikiye ko ibwirizwa nshingiro ritohinyanyurwa barekurwe.