Cibitoke : Agaseke "Sigariza Lazaro" ko gufasha abagowe

Mu ntara ya Cibitoke, kuri uyu w’Imana w’igenekerezo rya 16 Ruheshi 2013, mu ntumbero yo kwugurura igikorwa c’iterambere c’inyubako nshasha yuzuye aho mu gisagara c’iyo ntara, iyo nyubako ikaba yitwa Bethrehem Guest House, haratangujwe igikorwa gikomeye c’agase ko gufasha abatishoboye kitwa “ Sigariza Lazaro”.

Abafashe amajambo bose bashimye ico gikorwa c’iterambere ciyongereye mu bindi bisanzwe borerwa muri iyo ntara. Ako gaseke kakaba kazoja gashirwamo amahera yo gufasha impfuvyi, abapfakazi n’abatishoboye muri rusangi.

Nk’uko nyene iyo nyubakwa yabimenyesheje, imvo zatumye yiyumvira gushiraho ako gaseke aho hantu, yabikuye mu bihugu vyo hanze aho usanga ahantu hahurira abantu benshi haba hari agaseke nk’ako ko gufasha abatishoboye. Ku kibazo c’izina yakise, yamenyesheje ko yabikuye ku mugani wa Lazaro nawa mugwizatunga ku bemera Bibiriya ari nayo mvo yatumye akita ngo Sigariza Lazaro .