Sahwanya Frodebu: Abanywanyi b’umugambwe ntiborohewe

Icegera c’umukuru w’umugambwe Sahwanya Frodebu Ferederiko Bamvuginyumvira, avuga ko kubona abatavuga rumwe n’umugambwe uri k’ubutegetsi batihanganirwa aho baciye hose,banka ko bahinyura rusansuma ruriko rurakorwa mu ntara zimwe zimwe z’igihugu.

Mu kiganiro yagiranye nabagenzi bacu bo kuri radiyo Isanganiro ku munsi wa kabiri igenekerezo rya 23 Ndamukiza 2103,avuga ko mu ntara ya Cibitoke ivyo bintu ariho vyeze haraheze iminsi ine,akamenyesha iyo ngendo inyuranye n’ibwirizwa nshingiro ry’u Burundi.

Nkuko Ferederiko Bamvuginyumvira abanndanya abishikiriza,ivyo bije mu gihe ibendera ry’uyo mugambwe ryibwe muri komine ya Buganda ku musozi Kaburantwa mu ntara ya Cibitoke.Eka mu ntara ya Kirundo,komine Ntega aho ngo abanywanyi ba Frodebu barakubiswe barashaya,abandanya avuga ko no mu Kayanza,abanywanyi b’umugambwe uri ku butegetsi bakubise aba Frodebu.

Mundwi iheze naho,mu ntara ya Bururi,abadandaza ivyamwa barabujijwe kudandaza ngo kuko batanze inkuru yavuga ko hari hari urwaruka rw’imbonerakure yahohoteye umunyagihugu muri ako karere..

Mu ntaraya Kirundo ngo abantu batatu barakomeretse mugihe abanywanyi b’umugambwe wa Melchior Ndadaye bipfuza kumanika ama bendera y’umugamgwe wabo ku musozi Kiruhura.

Ku bwa Bamvuginyumvira Ferederiko yahoze ari icegera c’umukuru w’igihugu avuga ivyo vyose biza kwonona ivy’abanyepolitike baherutse kumvikana kubijanye n’integuro nziza y’amatora yo mu 2015.