Hasigaye umusi umwe gusa, abakristu bazikenyeye pe!

Amasinzi y’abakristo b’abanya BRESIL abanyamerika, abakongomani n’abanya filipine n’abandi bava mumihingo itandukanye yo kw’isi bari bitabiriye imisa yasomwe n’aba kardinali bari mubitezwe kuzotorwamwo umupapa.

Abo bakristu umwe wese n’igihugu avamwo bari baje gushigikira aba kandida babo. nka Odilo scherer wo muri bresil Angelo Scola ava mu butaliyano umukaridinali w’umukongomani Laurent Monsengwo n’abandi.

Mugihe hasigaye umusi umwe abakaridinali bagatora umu papa mushasha abo bakaridinali barashingiwe intahe n’abakristu babo nk’akarorero umukristu yitwa maria bettini w’umunyabresil yavuze ati “musenyeri Scola ni umuntu mwiza ari hamwe yotorwa yofasha cane ekreziya gukomera no gutera imbere kandi nanje ndamusengera kugirango azotorwe”.

Abakongomani nabo bati “ nta nkeka ko Laurent monsengwo azotorwa kuko akwije ibisabwa vyose ica mbere amaze imyaka 40 akorera vatikano ashobora kuvuga indimi 14 zitandukanye kandi arazi neza iki latini ari hamwe yotorwa kuri twebwe abakongomani yoba ari intsinzi ikomeye. N’abandi ba karidinali bashingirwa intahe ukwo nyene .

Mwomenya ko ku musi wa kabiri ariho umupapa mushasha azosubirira benedigito wa16 azotorwa.