Accueil > Imibano > Imiryango yavyaye ubushuri yaribarukijwe n’abakenyererarugamba
Imiryango yavyaye ubushuri yaribarukijwe n’abakenyererarugamba
lundi 13 Rusama 2013
Abakenyererarugamba bahurikiye mu mugambwe CNDD-FDD basaba abarundi kuvyara ku rugero, ndetse n’ukwibaruka abo bashoboye kurera mu gukurikiza impanuro bahabwa n’abajejwe amagara y’abantu.
Abakenyererarugamba bakaba babimenyeshereje mu ntara ya Ngozi, aho bari baroye kwibarutsa abapfasoni batatu bo mu makomine ya Gashikanwa, Mwumba na Ngozi baheruka kwibaruka ubushuri kuri uyu wa gatandatu igenekerezo rya 11 Rusama 2013.
Abo bakenyezi bahurikiye mu ugambwe CNDD-FDD bakaba bagiye bikoreye agaseke karimwo ivyankenerwa bitandukanye vyo kwibarutsa umuvyeyi, na cane cane ko biri mu mico y’abarundi yo gukeza umumvyeyi yibarutse.
Muri ivyo birori, abo bakenyezi bahurikiye mu mugambe uri ku butegejtsi, bakaba baboneyeho akaryo ko kumenyesha ingaruka mbi zibonekeza iyo umuvyeyi yavyaye abana adashobora kurera, ku ngorane z’ukubarungika ku mashure, kubagaburira, kubambika, kubavuza n’ibindi vyinshi.
Floxella Karire
