Inzego zirwanya amabi akorerwa abakenyezi zikwiye guhabwa uburyo

Umukuru w’urwego mpuzamakungu rwa Kigali 2013-2014, akaba n’umuyobozi mukuru w’igipolisi mu Burundi, komiseri André Ndayambaje yarashikirije icegeranyo c’ibikorwa vy’iryo huriro, kuri uyu wa gatatu igenekerezo rya 24 Ntwarante 2013, mu nama yamuhuje n’indongozi zo mu rwego rw’igipolisi.

Nk’uko yabimenyesheje, intumbero nyamukuru ni uguteza imbere ubushobozi bw’inzego z’umutekano muri Afrika mu bijanye no kurwanya amabi akorerwa abakenyezi n’abigeme.

Umukuru w’urwo rwego mpuzamakungu, Ndayambaje yibukije ko bahura n’inzitizi nyinshi zibabuza gushika kwihangiro mu kazi kabo, bivuye ku buryo buke, kuko bategerezwa kurindira imfashanyo n’ingabire.