Ku ntwaro y’umu papa azosubirira Benedicto wa 16 hoba hazoba umuhero w’isi

Inyuma y’aho Papa celestin XIV atangiye imihoho ari nawe mu Papa yagira 163 hari ubuhanuzi buvuga ko hazokurikirana aba Papa 112 hanyuma umuhero w’isi ugaca ushika urwo rutonde rwarasubiriye kwibonekeza mu mwaka w’2005.

Inyuma y’urupfu rwa Papa Yohani paulo wa kabiri ubu naho ubwo buhanuzi bwongeye gusubira gusigurwa mu gatabo k’impapuro zitanu kanditse mu kiratini kavuga ko uyu mupapa Benedigito wa16 yaraye atanze imihoho yagira 111 bisigura rero ko umupapa agiye gutorwa azoba abaye uwa nyuma hagati canke hanyuma umuhero ugaca uza.

Ivyo rero bikaba vyateye impari nyinshi ku mirongo ya internet nka twitter na facebook canke ama blogs atandukanye ndetse no kuri wikipedia.

Ubwo buhanuzi abakoresha ubuhinga ngurukanabumenyi internet bahaririyeko buvuga ngo : « Mwihamwa rya nyuma ry’ishengero ritagatifu y’i Roma hazokwima Petero umuromani azoragirira intama ziwe mu marushwa menshi.

Ayo marushwa aheze igisagara cubatswe ku misozi indwi kizosamburwa niho wa mucamanza ateye ubwoba azoca aza gucira urubanza abantu biwe. »

Ivyiyumvuro ni vyishi, abantu bariko barondera isano ryoba hagati y’ubwo buhanuzi n’ibiriko biraba.