Accueil > Poritike > Imigambwe > Muri FRODEBU baratewe amakenga n’abantu barekurwa bagirizwa ubwicanyi
Muri FRODEBU baratewe amakenga n’abantu barekurwa bagirizwa ubwicanyi
vendredi 12 Mukakaro 2013
Mu mugambwe FRODEBU (Front de la Democratie du Burundi) basaba abanyagihugu kuba maso mu gucungera umutekano wabo, inyuma y’aho harekuriwe abapfungwa bagirizwa ubwicanyi.
Kubw’abarongoye uwo mugambwe wa Ndadaye Melchiol, irekurwa ry’abafungwa bagirizwa ivyaha vy’ubwicanyi ndengerabutungane ryoba rifise iyindi ntumbero itaramenyekana, ivyo bakabishikiriza bafise amakenga mu gihe twimirije kwinjira mu kiringo c’amatora y’umwaka w’2015.
Frederick Bamvuginyumvira, icegera c’umukuru w’umugambwe Sahwanya FRODEBU, ku nsamirizi y’abanyagihugu RPA yasavye abanyagihugu gucungera umutekano wabo.
Tubibutse ko abo barekuwe ari uwo batazira Ndomboro n’abandi babiri bari bapfungiwe hamwe mw’ibohero rikuru rya Mpimba bagirizwa ubwicanyi.
Egide Nduwimana
