Accueil > Ukwemera > AMASHENGERO > Vatikano yagenye uwuyiserukira mu Burundi
Vatikano yagenye uwuyiserukira mu Burundi
vendredi 18 Mukakaro 2014
Umwungere w’ekleziya Katolika yagenye musenyeri Wojciech Zaluski abe ari we amuserukira mu gihugu c’Uburundi .
Kw’igenekerezo rya 15 Mukakaro, umwungere w’ Ekleziya katolika , Papa Fransisko yagenye uwuzomuserukira mu gihugu c’Uburundi , uwo nawe akaba ari musenyeri Wojciech Zakuski , umunya Pologne w’imyaka 54 yavutse ku genekerezo rya 5 Ndamukiza 1960.
Musenyeri Wojciech Zaluski yarigeze kurangura ibikorwa vyiwe mu Burundi hagati y’imyaka y’ 1989 na 1991. Imbere y’uko ashika mu Burundi , akaba yari avuye i Guatemala. Uyo akaba amaze gukora mu bihugu bitandukanye i Sri Lanka, Albanie, Georgie ,Ukraine, Philippines , i Malte hamwe n’i Guatemala. Avuga indimi zitanu ururimi rw’igifaransa ,ikirusiya ,ikidagi ,igitaliyano, hamwe n’icongereza.
Tubamenyeshe ko asubiriye Musenyeri Franco Copola, uwo nawe akaba yarungitswe gukora mu gihugu ca Centrafrika.
Floxella Karire