Accueil > Imibano > «New Generation» yatanguje inyigisho z’imigambi y’iterambere ku (...)
«New Generation» yatanguje inyigisho z’imigambi y’iterambere ku rwaruka
vendredi 8 Munyonyo 2013
Ishiramhamwe « New Generation » ryaraye ritanguje umugambi wo kwerekana, kwigisha no gukurikirana urwaruka rugitangura kugira imigambi yarwo. Urwo rwaruka akaba ari uruva mu karatiye yitwa kwatishoboye yo mu gisagara ca Bujumbura.
- Dieudonné Nahimana, uwuserukira imbere y’amategeko ishirahamwe "New Generetion"
Nk’uko Dieudonné Nahimana, uwuserukira imbere y’amategeko ishirahamwe "New Generetion" abivuga, uyo mugambi watangujwe mu ntumbero yo gutera intege urwaruka rw’Uburundi mu gukora imigambi yo kwiteza imbere. Aho hari kuri uyu wa kane, igenekerezo rya 7 Munyonyo 2013.
Nahimana Dieudonné yamenenyesheje kandi ko ibikorwa vya mbere vy’uyo mugambi azoba ari ugushigikira urwaruka rugitangura imigambi yo kwiteza imbere, mu kubereka ko kugira umuntu atanguze umugambi wiwe bidasaba kuba ufise amafaranga menshi ariko ko igikuru ari kuba ufise umugambi muriwe.
Nahimana ati : « Dushaka kwereka urwaruka rugitangura imigambi yarwo ko ivyiyumviro bishasha kandi birashe ako aba ari akaryo keza ko kuvyerekana na cane cane ku mashirahamwe ashobora kubashigikira ku mugambi urashe baba bafise».
Kubw’ivyo, urwo rwaruka rugiye kuronswa inyigisho zidasanzwe kubijanye no gutanguza imigambi be no kumenya gutunganya neza ishirahamwe. Bakaba bazobifashwamwo n’ishirahamwe BBIN ( Burundi Business Incubator). Iryo shirahamwe rikaba risanzwe rishigikira abanyamigambi kugira ribahe inyigisho zibereye ziri kurugezo rumwe nizitangwa n’ahandi kw’isi mu bijanye no gutanguza imigambi. Gutyo igipapuro cemeza abakurikiranye inyigihso kizoca kiza cemerwe mu bisata bijanye n’ivy’ubutunzi ku rwego rw’igihugu.
BUKURU Mariella
