Accueil > Poritike > Imigambwe > Rugazi : Intumwa za FNL ya Miburo ziyitiriye Rwasa kugira zakirwe
Rugazi : Intumwa za FNL ya Miburo ziyitiriye Rwasa kugira zakirwe
lundi 13 Nzero 2014
Abanamarimwe b’umugambwe FNL bo ku Muzinda muri komine ya Rugazi mu ntara ya Bubanza, bavuga ko bahenzwe n’abarongoye FNL ya Yakobo Bigirimana, bakirirwa umunsi wose bahagaze, barindiye Agathon Rwasa ko ariwe agira ashike kwugurura ingoro y’umugambwe.
Kuri uyu w’Imana igenekerezo rya 12 Nzero, abo banyagihugu bavuga ko bahenzwe n’abantu bari muri FNL yo kwa Yakobo Bigirimana, bababwira ko Agathon Rwasa agira aze kwugurura ingoro y’umugmbwe aho ku Muzinda, abo banamarimwe bakavuga ko bahagaze amasaha n’amasaha barindiriye uwo bavuga ko ari we mukuru w’umugambwe FNL Agathon Rwasa, ngo bagire uku, baja babona haserutse intumwa ya Yakobo Bigirimana, ariko guca bataha, ivyo bikorwa vyo kwugurura iyo nyubakwa y’umugambwe FNL batabikubise n’irya humye.
Abo banamarimwe rero bakaba biyamiriza izo nzira zo kubahenda, mu gihe bavuga ko bari kubwizwa ukuri, bakareka kubatesha umwanya, birirwa baraza gutegera umuntu atari buze. Bamenyesha ko bahenzwe ko haza Rwasa, kuko FNL yo kwa Miburo izi neza ko iyo batanga ubutumire bivuze ko aribo baza, atabantu bari kuronka babakira bo mu mugambwe FNL, arico gituma, abo banamarimwe bemeza ko bahenzwe kugira baze gutegera intumwa ya Miburo yiyise Rwasa.
![](local/cache-vignettes/L448xH336/rwa-4f78e-c2dcd.jpg?1517390585)
Aristide Nizigire
Messages
13 Nzero 2014, 17:40, par nininahazwe
ikizwi tôt ou tard fnl muzi kandi mutinya muzoyibona kko ntaho yaroye gusa ivuga ururimi dd batize.
13 Nzero 2014, 18:28, par Gerard Cazottes
Abanyepolitike bakinisha benegihugu, hari igihe bizobagira. Ikindi iyi nkuru y’igenekerezo 12 Kigarama irashaje. Simbona igituma abamenyeshamakuru bashimye kuyisohora ubu hashize ukwezi abo banamarimwe ba FNL bo ku Muzinda barindiriye ko ingoro yabo yugururwa. Ni vya bindi nyene abantu biharaje bita gukamisha. Sinzi rero ico Agathon Rwasa yemereye abamenyeshamakuru na rirya asa n’uwiyonjoroye muri ADC-IKIBIRI.
13 Nzero 2014, 21:57, par NTAKIRUTIMANA ETIENNE Jk
Ntimuze muduhenda twe abagihugu bato bato ubu turazi gutandukanya iciza nikibi nanje naho wombanza umukuru wumugambwe F N L kko kuva nkicaruka numva Rwasa nkumukuru wumugambw.Politke yoguhendeshwa amahera yarangiy
14 Nzero 2014, 10:28, par mama
erega abamenyeshamakuru ntibahembwa na ADC Ikibiri, jewe ivyo uvuze vy’inkuru ishaje ntavyo nabonye, wewe wabikuyehe? usanga gerard akiruhishijwe n’ibikorwa rusangi vyo kuwa gatandatu mu mugambwe wabo dd.
14 Nzero 2014, 23:07, par Gerard Cazottes
@Mama
Ndumva ko wababajwe n’ijambo "GUKAMISHA". Tuvuge ko nitaba samedi ibikorwa vy’Umugambwe kandi ndi umu DD nk’uko ubivuze. Abataja kuri iyo mirimo canke batuka gusa ubutegetsi n’abakira ibiturire, we wotora iki? Erega inkuru imaze ukwezi iba ishaje. Nkibaza rero muri ibi bihe tugeze mwo umumenyeshamakuru yovyiyobagiza atariko arondera ibindi.
16 Ndamukiza 2017, 16:29, par Ngendakumana Leonce
Kugeza Ubu Fnl Niyabanyagihugu Bayikore;si Iyumuntu Gusa Ico Mwomenya Nuko Irongow Na Jacques Bigirimana Imbere Y’amategeko.Tureke Kwitiranya Ibintu Uwo Rwasa Muvuga Niki?Jew Wapi Ndamuziko Ar Umunama Rimw Yikumiriye.!Nagaruke Muruhongore.