Accueil > Imibano > Umukuru w’igihugu yarakiriye icegera c’umunyamabanga mukuru wa (...)
Umukuru w’igihugu yarakiriye icegera c’umunyamabanga mukuru wa ONU
dimanche 3 Ruhuhuma 2013
Murugendo rwiwe mu Burundi kuva kuwa 1 Ruhuhuma 2013, icegera c’umunyamabanga mukuru wa 0NU Hervé Ladsous ashinzwe ibibazo vya politike, yarakiriwe n’umukuru w’igihugu c’u Burundi kuri uyu wa 2 Ruhuhuma 2013.
Uwo mushitsi, yabanje kwifuriza abarundi bose umwaka mwiza, imbere yo kumenyesha ko asangiye umubabaro n’abahuye n’ingorane zatewe n’umuriro watikije isoko nkuru ya Bujumbura, n’ivyarimwo vyose mu ndwi iheze. Yarongeye arakeza abategetsi b’u Burundi, k’ukuntu bashoboye kubungabunga amahoro n’umutekano muri iyi myaka iheze.
Icegera c’umunyamabanga mukuru wa ONU aranashima utwigoro tw’u Burundi mu kuja guhagararira amahoro n’umutekano mu bindi bihugu, nka Somaliya na Sudani. Kuruhande rwiwe, umukuru w’igihugu c’u Burundi Pierre Nkurunziza, yarashimiye ishirahamwe mpuzamakungu ONU, ku kuntu ryagumye hafi u Burundi mu bihe bitari vyoroshe, na cane cane mu kiringo c’umugambi w’amahoro.
Yaramenyesheje ko u Burundi bwiteguye kurungika ingabo muri Mali, igihe ubumwe bwa Afrika bwobisaba. Uwo mushitsi nawe yamenyesheje ko ONU izofasha u Burundi mu matora yo mu 2015.
Jean Michel Ndayikengurutse
