Yishikanye mu gipolisi ahejeje kwica umugore wiwe

Mu rukurikirane rw’amabi akorerwa abakenyezi, mu gisagara ca Bujumbura, muri komine Kamenge mu Mirango ya kabiri, umugore yaragandaguwe n’umugabo wiwe bari bamaze imisi badacana uwaka.

Nk’uko bamwe mu babanyi b’uwo mugore yagandaguwe babimenyesheje, uwo muryango wari umaze imisi uhanurwa ko bakwumvikana kuko bari bamaze imisi mu ndyane ariko bikaba ivy’ubusa.

Uwo mugabo ahejeje gukora iryo bara yaciye yishikana ku nzego z’umutekano ubu akaba mu minwe y’inyamira mabi, urubanza rwiwe rukaba rwitezwe gucibwa vuba muri bimwe bita imanza z’ikibiriraho.