Incamake

Abamenyeshamakuru basabwe kuja mw’ishirahamwe kugira bateze imbere igisata c’amareresi

Yanditswe na MUGISHA Van Naris
Kuya 8 mai 2018 saa 08:49
2760
0 0

Isabukuru mpuzamakungu ry’amareresi mu Burundi FESTICAB ryaratunganije kur’uno wa mbere, igenekerezo rya 7 Rusama 2018, uruganda ku bamenyeshamakuru b’imicokama ku bijanye no gutanga ivyiyumviro ku kungene amareresi aba akoze (critique cinematographique) Gervais Hien ajejwe ivyo kumenyesha amakuru mw’isabukuru FESPACO yaremesheje urwo ruganda yahamagariye abamenyeshamakuru gukunda kuraba amareresi yerekanwa mu kibanza gihuriramwo n’abantu benshi.

Urwo ruganda ku bamenyeshamakuru b’imicokama rwabereye mu nyubakwa z’ikigo ndangamico y’abafaransa, rwatunganijwe mu ntumbero yo kwereka abamenyeshamakuru, akamaro ku guca hirya no hino bakiga uko amareresi aba akoze.

Gervais Hien ajejwe kumenyesha amakuru mw’isabukuru FESPACO yavuze ko kwiga uko ireresi ikoze bisaqba ko abamenyeshamakuru ubwabo, baba bafise ico bazi ku mwuga wo gukora amareresi, kuko bisaba ko bahanahana ivyiyumviro ku kungene ireresi yanditse, ico ivuga, uko yakinywe, uko amajwi n’amasanamu akozwe.

Bamwe barerekanye amakenga bafatiye ku rugero igisata c’amareresi kigezeko mu Burundi, aho berekanye ko ico gikorwa cohava gituma abatunganya amareresi bacika integer, mu gihe hoboneka ivyiyumviro vyerekana ko ireresi iyi canke iriya hari aho itakozwe neza.

JPEG - 154.4 ko
Gervais Hien, ajejwe kumenyesha amakuru mw’isabukuru FESPACO

Gervais Hien yishuye ati : « Oya ntaco vyica ahubwo bifasha uwakoze ireresi kumenya aho yakoze neza naho yakoze nabi, bikamufasha gukosora aho bitagenze neza, bikamufasha no gushimangira aho yakoze neza. »

Gervais Hien yavuze ko igikenewe ari uko abatunganya amareresi boza baratumirwa kugira nabo bashikirize uko babona ibikorwa vyabo, bikaba kandi vyobafasha gutahura ko hari ivyo bakora neza n’ivyo bakora nabi.

Uwo ajejwe kumenyesha amakuru muri FESPACO, ahamagarira abamenyeshamakuru b’imicokama mu Burundi, kuja mw’ishirahamwe rikurikiranira hafi ibijanye n’amareresi kugira bafashe ico gisata gutera imbere.

Ahamagarira abarongozi b’ibihugu gushira ugushaka mu guteza imbere imico kama, kuko arico conyene gishobora gufasha igisata c’amareresi gutera imbere, no gushika ku ntambwe ishimishije.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha