EconetLeo yatanze imfashanye mu mugambi Mera nk’abandi ibicishije muri Ecocash

Yanditswe na BIKORIMANA Vianney
Kuya 9 juin 2018 saa 03:26
34905
0 0

Ishirahamwe ryo gutumatumanako EconetLeo ribicishije mu buryo bwa Ecocash ryatanze imfashanyo y’amafaranga ibihumbi 40 kuri buri muryango ufise amikoro make n’ibibazo vyo gufungura nabi, muri komine Butanganzwa mu ntara ya Ruyigi mu mugambi wa Reta Mera nk’abandi.

Umuhuza b’ibikorwa mu mugambi w’igihugu “Mera nk’abandi” ujejwe gushigikira ingo zikenye gusumba izindi,Michel NYABENDA, yavuze ko bahisemwo ishirahamwe ryo gutumatumanako EconetLeo kuko rifise ubuhinga bwo gutanga amafaranga bubangutse kandi butazimvye “Ecocash” bifasha kugira imiryango ironswe ayo mafaranga mu mutekano ata bwoba ifise.

Michel NYABENDA yavuze ko iyo mfashanyo batanga biciye muri Ecocash ya EconetLeo ari mu ntumbero yo gushigikira iyo miryango kugira ihindure ivyiyumviro, ikore imigambi yo kwiteza imbere ibone kuva mu bukene yongere isezerere gufungura nabi.

Mariya NDAYISHIMIYE ari mu baronkejwe iyo mfashanyo biciye muri Ecocash yavuze ati : “ Ndashimira ishirahamwe EconetLeo kuko yaturonkeje amaterefone hamwe n’imirongo yayo bidufasha cane kugira turonswe amafaranga ku buryo bworoshe biciye muri Ecocash,kurya bama bavuga ngo terefone yawe n’ingondo yawe eka n’ivyo.

Mariya NDAYISHIMIYE yavuze ko iyo mfashanyo baronswa yabagiriye akunguko kanini, kuko ubukene barimwo bwagabanutse kandi ubu bashobora kugura ibitungwa bakorora ndetse bakaronka n’uburyo bubafasha mu bikorwa vyo kurima.

Imitumba 20 kuri 39 yo muri komine Butanganzwa mu ntara ya Ruyigi, niyo izoronswa iyo mfashanyo mu mugambi w’igihugu MERA NK’ABANDI.

Imiryango izoronswa iyo mfashanyo y’umugambi w’igihugu MERA NK’ABANDI biciye muri Ecocash ya EconetLeo ingana ibihumbi 48 yo mu ntara ya Ruyigi,,Karusi,Kirundo hamwe n’intara ya Gitega, buri ntara hagatorwa amakomine 4 iyo mfashanyo ikazotangwa mu kiringo c’imyaka 3.

Photos : ECONET LEO


Kumenyekanisha

1
Nkurunziza Felix 15-06-2018 à 13:17

Nivyiza Kuba Mwarayabahaye Ewe Econet Leo Waje Hageze Uraza Natwe Mudukubitirek Ivyo Vyiza Vyanyu

2
Elie Makamba 11-06-2018 à 19:15

Nangwa Izindi Ntara Nazo.

3
Nsabimana Jean Marie 10-06-2018 à 12:19

Jewe naje ndabishimye nubwo ntarimwo Nibabandanye kuba hafi abadafise nabo bamere nkabandi,None bayatanga bisunziki ? uwo bayaha baba bamuzi ?Murakoze

4
Chadrack Ntakirutimana 9-06-2018 à 17:34

Nivyiza Cane Natwe Muraza Kudukubitirako Hano Iwacu Muri Komine Gasorwe Muzoba Mukoze.Umutumba Kiremba.

5
Emerusenge 9-06-2018 à 17:19

Asha Nibabafashe Ni Vyiza. Ariko Nukw’ukwmenga Hari Imitumba Bibagiye. Mbe Nayo Izoshikirwa ?

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha