Incamake

Kenya : Abantu 20 bitavye Imana bahitanywe n’umwuzurira

Yanditswe na MUGISHA Van Naris
Kuya 10 mai 2018 saa 11:17
12870
0 0

Abategetsi b’igiporisi mu gihugu ca Kenya, bamenyesha ko n’imiburiburi abantu 20 bitavye Imana, amazu atari make arabomoka, ahitanywe n’amazi mu gihugu ca Kenya, bivuye ku mazi y’urugomero yataye inzira mw’ijoro ryo kur’uno wa gatatu igenekerezo rya 9 Rusama 2018.

Ikinyamakuru lemonde.fr kimenyesha ko umuyobozi w’abaporisi bariko bakora ibikorwa vyo gutabara aho mu gace ka Solai ahubatswe urwo rugomero , yavuze ko igishobora kuba cayumye ayo mazi ata inzira, ari imvura nyinshi yaguye mu minsi iheze.

Uwo muyobozi mu giporisi, yavuze kandi ko amazi arimwo ivyondo yahitanye amazu mu gihe abantu bari baryamye, abantu bababa 36 nabo bajanwa mu bitaro, bibafashijwemwo n’umuryango utabara imbabare Croix Rouge.

Bivugwa ko bantu 150 nibo bamaze kwitaba Imana bahitanywe n’imyuzurira kuva imvura itanguye kugwa mu kwezi kwa gatatu, ariko Reta yamenyesheje kur’uyu wa gatatu, ko abantu 132, aribo bamaze kwitaba Imana harimwo n’abo bahitanywe n’amazi yavuye mu rugomero.

Mu kiringo ca mbere c’imvura co kuva mukwa cumi na rimwe n’ukwa 12 imvura ntiyabaye nyinshi, ariko mu gice ca kabiri imvura yabaye nyinshi muri Kenya, no mu karere ka Afrika y’Ubuseruko kose.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha