Kenya : Abantu batatu boba bamaze kwitaba Imana mu myiyerekano

Yanditswe na Vianney BIKORIMANA
Kuya 10 août 2017 saa 09:06
Yasomwe : 8019
0 0

Naho uwahoze ari icegera c’umukuru w’igihugu ca Kenya Musalia Mudavadi, asanzwe kandi ari umunywanyi w’umugambwe wa Raila Odinga yateye akamo asaba abanyekenya bose gutekana,umuntu umwe yaramenyekanye ko yishwe mu gace ka Mathare mu gisagara ca Nairobi.

Amakuru dukesha Iradiyo y’Abafaransa RFI amenyeshako hoba hari n’abandi bantu babiri bari bitavye imyiyerekano bishwe mu gisagara ca Nairobi.

Umuporisi akorera muri ako gace yabwiye iradiyo y’abafaransa RFI ko abo bantu bapfuye bari mu myiyerekano,inyum ayaho umurwi w’ abaporisi urungikiwe kugarukana umutekano mu gaco karimwo imyiyerekano.

Amakuru ava mu gisagara ca Nairobi, amenyesha ko hari n’abandi baciye bikika mu kiza basahura ibidandazwa vy’abanyagihugu bakorera muri ako gace k’umurwa mukuru.

Mwomenya ko mu ntara ya Kisumu isanzwe irimwo abatuvaga rumwe na Reta benshi ,habereye imishamirano hagati y’abaporisi bagwanya imigumuko n’abantu baribazibiye amabarabara, ivyo bikaba vyashitse inyuma yaho umugwi wigenga ujejwe gutegura amatora ushikirije ko mu biharuro mfatakibanza vy’amatora, Uhuru Kenyatta ariwe aza imbere gusumba Raila Odinga.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha