Kenya: Raila Odinga yamenyesheje ko atazokwitaba amatora

Yanditswe na MUGISHA Van Naris
Kuya 11 Gitugutu 2017 saa 08:30
Yasomwe : 9324
0 0

Umukuru w’urunani NASA ruhurikiyemwo abatavuga rumwe na Reta ya Kenya Raila Odinga avuga ko atazokwitaba amatora yo gusubiramwo ayabaye mu kwezi kw’umunani kuko ashaka ko ayo matora aba hakurikijwe ivyasabwe na sentare ntahinyuzwa.

Ayo matora yo kuwa 26 Gitugutu 2017 azoba ari ayo gusubiramwo ayabaye inyuma y’aho sentare ntahinyuzwa mu gihugu ca Kenya ifutiye ivyari vyayavuyemwo avuga ko yabayemwo utunenge.

Raila Odinga avuga ko avuye muri ayo matora kugira ahe akaryo umurwi ujejwe gutegura amatora IEBC umwanya ukwiye wo guhindura ibikenewe kugira ayo matora azobe meza.

Umurwi ujejwe gutegura amatora wari wamenyesheje ko umukuru w’igihugu Uhuru Kenyatta ari we yatsinze amatora aronse amajwi imiriyoni 14.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha