Kenya:Raila Odinga yanse isango ry’amatora mashasha

Yanditswe na Vianney BIKORIMANA
Kuya 5 Nyakanga 2017 saa 01:47
Yasomwe : 9342
0 0

Inyuma yaho umugwi w’igihugu ujejwe gutegura amatora mu gihugu ca Kenya umenyesheje ko amatora y’umukuru w’igihugu azoba kw’igenekerezo rya 17 gitugutu 2017,uwutavugarumwe na Reta Raila Odinga yamenyesheje ko atiteguye kwitaba ayo matora azosubirwamwo ,aho avuga ko biriko bitegurwa hatakwirikijwe amategeko hamwe n’ibwirizwa shingiro.

Raila Odinga yasavye ko abagize umugwi w’igihugu utegura amatora bohindurwa kuko sentare ntahinyuzwa yerekanye ko uyo mugwi wavyifashemwo nabi mu matora aheruka vyatumye bimwe vyavuye murayo matora bigwizwa n’ubusa.

Umukuru w’umugwi ujejwe gutegura amatora mu gihugu ca Kenya Wafula Chebukati yamenyeshej ko ayo matora azokwitabwa n’abantu babiri aribo Uhuru Kenyatta hamwe na Raila Odinga.

Wafula Chebukati yavuze ati : “ Ntabandi bantu bashasha bazohiganirwa mu kibanza c’umukuru w’igihugu muraya matora mashasha ,azojamwo abanse ivyavuye mu matora aheruka bitwaye muri sentare aribo Raila Odinga na mugenzi we Stephen Kalonzo Musyoka hamwe na Uhuru Kenyatta na mugenzi we William Samoei Ruto nibo bonyene barekuriwe kuyajamwo”.

Umukuru w’umugwi ujejwe gutegura amatora Wafula Chebukati yamenyesheje kur’uno wa mbere igenekerezo rya 4 nyakanga 2017 ko amatora yimirije gusubirwamwo y’umukuru w’igihugu azoba kw’igenekerezo rya 17 gitugutu 2017 inyuma yaho sentare ntahinyuzwa yemeje ko amatora y’umukuru w’igihugu yabaye igenekerezo rya 8 myandagro 2017 yaranzwe n’utunenge.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha