Kenya: Raila Odinga yemeye kwitaba amatora azosubirwamwo

Yanditswe na MUGISHA Van Naris
Kuya 9 Nyakanga 2017 saa 08:56
Yasomwe : 9180
0 0

Umukuru w’abatavugarumwe na Reta mu gihugu ca Kenya,ari nawe yitoje mu matora y’umukuru w’igihugu Raila Odinga, yamenyesheje ko azosubira kwitaba amatora y’umukuru w’igihugu ategekanijwe mu kwezi kuza kwa Gitugutu.

Ubwa mbere Raila Odinga yari yavuze ko ashobora kutitaba amatora azosubirwamwo, mu gihe abagize umurwi utegura amatora mu gihugu ca Kenya batohinduka.

Mu ntango z’ukwezi kw’icenda, sentare ntahinyuzwa ya Kenya yimye agaciro ivyavuye mu matora y’umukuru w’igihugu yo mu kwezi kw’umunani, aho Uhuru Kenyatta ari ku butegetsi yari yavuzwe ko ariwe yatsinze amatora.

Umukuru wa sentare ntahinyuzwa yavuze ko ayo matora y’umukuru w’igihugu yabayemwo utunenge,aca asaba ko yosubirwamwo mu minsi 60.

Raila Odinga yavuze ko yatsinzwe kubera amamashini yakoreshwa n’umugwi ujejwe gutunganya amatora yinjiwemwo.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha