Kenya : Umushikiranganji w’amagara y’abantu asaba amatohoza ku bagore bafatwa ku nguvu

Yanditswe na MUGISHA Van Naris
Kuya 20 janvier 2018 saa 10:02
5100
0 0

Umushikiranganji w’amagara y’abanyagihugu mu gihugu ca Kenya Cleopa Mailu yategetse ko hakorwa itohoza ku bivugwa ko hari abavyeyi bahohoterwa bishingiye ku gitsina mu bitaro vya Reta biri ku murwa mukuru Nairobi.

Abicishije ku rubuga rwiwe rwa Twitter,Cleopa Mailu yavuze ko azi neza ibivugwa ku bavyeyi bafatwa ku nguvu bagiye canke bavuye mu kibanza categuriwe abana b’inzoya nkuko vyagiye biravugwa ku mbuga zo ku buhinga ngurukanabumenyi.

Umwe mu bakoresha urubuga rwa Facebook, yavuze ko abavyeyi baterwa iyo bagiye kwonsa abana bari mu kindi cumba mw’igorofa itandukanye n’iyo barimwo.

Uwo munyakenya akoresha Facebook yavuze ko Ikibazo c’umutekano gikomeye ku bavyeyi bafise abana, kandi bategerezwa kuja kubonsereza mu kindi cumba ,atari ico basanzwe babamwo.

Ivyo biba mu gihe, abana bavutse bashikizwa mu vyumba biri hasi, nayo abavyeyi bakaba mu nzu iri ku rugero rw gatatu, kuko ari inzu igerekeranye.

Umushikiranganji w’amagara y’abantu Cleopa Mailu yasavye abarongoye ibitaro gukomeza umutekano, bakongera bakamuha icegeranyo ku bivugwa ku munsi wa mbere, igenekerezo rya 22 Nzero 2018.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha