Kenya : Amatora y’umukuru w’igihugu yabaye umutekano ucunzwe bikomeye

Yanditswe na MUGISHA Van Naris
Kuya 26 octobre 2017 saa 08:32
Yasomwe : 16281
0 0

Naho umukuru w’urunani rw’abatavuga rumwe na Reta Raila Odinga yasavye abanywanyi biwe kutitaba amatora mu gihugu ca Kenya, kuva igihe c’isaha icumi na zibiri z’igitondo kuri uno wa kane igenekerezo rya 26 Gitugutu 2017 ibibanza biberamwo amatora vyari vyuguruye.

Amakuru ava mu gihugu ca Kenya amenyesha ko ibibanza biberamwo amatora bicungerewe cane kugira ntihagire abikika mu kiza ngo bahungabanye amatora yiyamirijwe n’abatavuga rumwe na Reta.

Umurwi w’igihugu ujejwe gutegura amatora mu gihugu ca Kenya IEBC wagumije Raila Odinga ku rutonde rw’abitoza mu kibanza c’umukuru w’igihugu hamwe n’abandi umunani.

Uwurongoye umurwi utegura amatora IEBC, Wafula Chebukati yavuze ko umutekano ukomezwa kandi abajejwe umutekano bagerageza gukora bisunze amategeko.

Amatora ariko araba kuri uno wa kane n’ayo gusubiramwo ayabaye kw’igenekerezo rya 8 Myandagaro 2017 yari yatsinzwe n’umukuru w’igihugu Uhuru Kenyatta, aho sentare ntahinyuzwa yashikirije ko yabayemwo utunenge.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha