Kenya: Yagerageje kwiyahura kubera yankiwe kwitoza mu kibanza c’umukuru w’igihugu

Yanditswe na MUGISHA Van Naris
Kuya 28 Rusama 2017 saa 05:45
Yasomwe : 18396
0 0

Inyuma yo kwankirwa n’umurwi ujejwe gutegura amatora mu gihugu ca Kenya ko yokwitoza mu kibanza c’umukuru w’igihugu,Peter Solomon Gichira yagerageje kwiyahura avuye ku nzu y’igorofa.

Ikinyamakuru co mu gihugu ca Kenya Daily Nation, camenyesheje ko Peter Solomon Gichira yari amaze gushikana ibirego muri sentare asaba ko yohagarika ingingo yashizeho zituma atemererwa kwitoza mu kibanza c’umukuru w’igihugu ca Kenya.

Ayo makuru y’ikinyamakuru Daily Nation avuga ko ku mutaga wo kuwa gatandatu igenekerezo rya 27 Rusama,umwaka wa 2017 Peter Solomon Gichira yagerageje kwiyahura aciye mw’idirisha ry’inzu Anniversary Towers
igeretse iri hejuru kuya gatandatu.

Umukuru w’igipolisi kijejwe igendereza mu gihugu ca Kenya, Robinson Thuku, yavuze ko Peter Solomon Gichira agiye mu murwi ujejwe gutunganaya amatora kuraba aho ivyiwe bigeze agasanga yarankiwe kwitoza, yashatse kwikorora aciye mw’idirisha arik abapolisi babiri bahari baca baramufata.

Bitegekanijwe ko Peter Solomon Gichira ashikirizwa imbere y’ubutungane kuri uno wa mbere igenekerezo 29 Rusama, umwaka wa 2017 yagirizwa gushaka kwiyahura no kwanka ingingo z’urwego rutegura amatora.

Igipolisi ca Kenya canse kurekura uwu mugabo naho yari yemeye gutanga ingwati, gitinya ko ashobora gusubira kwiyahura.


Kumenyekanisha

1
Elias Mpozamarira 30-05-2017 à 07:44

Haaaaaaaa nimba yarozwe mbega yi yahuye niho azoba yitoje kuba perezida wa Kenya?, ya hivyi coyimena uwugabo!,ahubwo ni bamutware kwa doctor barabe kwakwije.

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha