Tanzaniya : Abantu 7 bagirizwa gutunganya imyiyerekano bafashwe

Yanditswe na MUGISHA Van Naris
Kuya 25 avril 2018 saa 01:46
14640
0 0

Abantu 7 nibo bafashwe n’igiporisi mu gisagara ca Arusha mu gihugu ca Tanzaniya kugira babazwe mu gikorwa c’imyiyerekano itegurwa gukorwa kw’igenekerezo rya 26 Ndamukiza 2018.

Amakuru dukesha iradiyo y’abongereza BBC amenyesha ko icegera c’umukuru w’igiporisi i Arusha , Yusuph Ilembo yamenyesheje ko abatawe muri yompi bafashwe inyuma y’amatohoza yakozwe n’abajejwe umutekano.

Naho abafashwe bataramenyekana, abaribo ayo makuru abandanya avuga ko bamwe muri abo ari abanyeshure ba kaminuza.

Yusuph Ilembo yavuze ati :’’Reta ntizorera amaboko,iyi myiyerekano ntiyemewe n’amategeko ntituzokwemera gukinishwa n’abantu bari k’urushi bashaka guhungabanya amahoro y’igihugu.’’

Umutanzaniyakazi Mange Kimambi asanzwe aharanira agateka akorera ku mbuga ngurukanabumenyi yasavye ko hokorwa imyiyerekano yo kwiyamiriza Reta mu gihugu cose kw’igenekerezo rya 26 Ndamukiza ,yasiguye ko hibonekeza ihonyangwa ry’agateka ka zina muntu hamwe n’igabanuka ry’umwidegemvyo mubijanye na poritike.

Reta ya Tanzaniya yamenyesheje ko iyo myiyerekano niyo yatunganywa izoba idakurikije amategeko.

Ayo makuru dukesha BBC, avuga ko umukuru w’igihugu ca Tanzaniya John Pombe Magufuli yavuze ko ingingo zikomeye zizofatwa ku bantu bazokwitaba iyo myiyerekano.

Igenekerezo rya 26 Ndamukiza iyo myiyerekano itegekanywa gukorwa n’igenekerezo aho igihugu cama cibuka buri mwaka ukwiyunga kw’igihugu ca Tanganyika n’igihugu ca Zanzibar,uyu mwaka hazoba haheze imyaka 54 ivyo bihugu bigiye hamwe bikaba igihugu arico Tanzaniya.


Kumenyekanisha

1
Pasco 5-05-2018 à 12:15

Baraba Magabo Ntibijajare Nkatwe Abarundi Muri 2015.Babamese Pe !

2
xx 27-04-2018 à 11:28

Abo bateza ibibazo ni babarase

3
Uwimana Diedonne 25-04-2018 à 18:46

Muratanguye:no mu Burundi Vyatanguye Uko : Emwe Isi Yaheze.Ivyavuzwe Biriko Birashika !!!

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha