Ubuganda : Igiporisi kivuga ko cafashe uwukekwa gukubira umuririmvyi Radio

Yanditswe na MUGISHA Van Naris
Kuya 5 février 2018 saa 12:08
22140
0 0

Inyuma y’iminsi mike umuririmvyi Sekibogo Moses azwi kw’izina rya Radio yaririmba mu murwi Good Life yitavye Imana, igiporisi c’Ubuganda kimenyesha ko camaze gufata umugabo yagirizwa kuba ari we yamukubise gushika aho akomereka, bigatuma yitaba Imana.

Moses Ssekibogo "Radio" yakubiswe mw’ijoro ryo ku wa mbere, igenekerezo rya 22 Nzero 2018 igihe yari ari mu bunywero bwitwa De Bar buri mu gace ka Entebbe , aca yitaba Imana,mu gitondo co kuwa kane igenekerezo rya 1 Ruhuhuma 2018 muri Case Hospital aho yari amaze iminsi avurirwa.

Igiporisi mu gisagara ca Kampala kibicishije kuri Twitter, mw’ijoro ryo kur’uyu w’Imana igenekerezo rya 4 Ruhuhuma 2018, cavuze abajejwe umutekano bakorera ahitwa Katwe bamaze guta muri yompi Godfrey Wamala yakubise Radio gushika aho aja muri ’coma’ ndetse akabagwa ariko akaruhukira kwitaba Imana.

Uwo mugabo yitwa Wamala Godfrey bikekwa ko ariwe yishe Radio, yafatiwe ahaba umwe mu bagenzi biwe ahitwa Kyengera, ari naho bivugwa ko yari amaze iminsi yinyegeje.

Igihe iyi nkuru yamenyeshwa, Wamala akekwa kwica Radio yariko yandika ivyireguro kuri Dosiye yiwe harindiriwe ko ajanwa i Entebbe ahabereye icaha.

Mowzey Radio yitavye Imana ku wa kane, igenekerezo rya 1 Ruhuhuma 2018, ashingurwa ku wa Gatandatu igenekerezo rya 3 Nzero 2018, iNakawuku aho asanzwe avuka.


Kumenyekanisha

1
Protais Ntaho 8-02-2018 à 21:58

Raba Mwihenze Amatariki Siyo Rero Yashinguwe Hasigaye Ukwezi Ngo Apfe ?

2
Maria Ntakirutimana 5-02-2018 à 18:31

Nkurikije inkuru muduhaye, uwo mugabo yashinguwe asigaje ukwezi kumwe ngwapfe. Birashoboka none ?

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha