Ubushikiranganji bw’uburimyi n’ubworozi buremeza ubukene bw’ahaterwa ipampa

Yanditswe na MUGISHA Van Naris
Kuya 5 Gitugutu 2017 saa 09:49
5805
0 0

Ubushikiranganji bw’uburimyi n’ubworozi bumenyesha ko buriko burakora ibishoboka vyose kugira igiterwa c’ipampa gisanzwe kiri mu biterwa njabukamazi gisubire gutezwa imbere mu Burundi.

Mu kiganiro c’abavugizi b’inzego za Reta cabereye mu ntara ya Ngozi, umuvugizi w’ubushikiranganji bw’ubururimyi n’ubworozi, Aimelance NIRERA yamenyesheje ko igiterwa c’ipampa cagiye kiragira ibibazo ahanini bijanye n’uko amatongo yagiye aragabanuka bivanye n’uko ahahora haterwa ipampa hubatswe amazu.

Aimelance NIRERA avugira ubushikiranganji bw’uburimyi n’ubworozi amenyesha ko naho biri uko, ubushikirangani buticaye, kuko buriko burakora ibishoboka vyose kugira amatongo yaterwamwo ipampa agarukanwe.

Ku bijanye n’uko hatoba hari ikibazo ku bijanye n’imbuto z’ipampa ziterwa zigatuma haboneka umwimbu udashimishije, umuvugizi w’ubwo bushikiranganji amenyesha ko ubushikiranganji buriko burakorana n’igihugu ca Bresil kugira haboneke imbuto z’ipampa zirobanuye.

Mwomenya ko igiterwa c’ipampa kirimwa ahantu hashushe, nko mu bice vy’ikiyaya c’Imbo n’ikiyaya ca Kumoso.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha