"Leila" : Ireresi ya mbere y’ishirahamwe "Imbivyi z’Ibikorwa n’Amahoro"

Ishirahamwe "Imbivyi z’Ibikorwa n’Amahoro" ryarashize ku mugaragaro ireresi ya mbere yateguwe ikongera agakinwa n’iryo shirahamwe. Uwuserukira iryo shirahamwe imbere y’amategeko, avugako ireresi ari kimwe mu mahangiro biyemeje gushikako. Ireresi yagiye ku rutonde rw’amareresi maremare akinywe mu Burundi.

Inyuma y’imyaka 3 ishirahamwe "Imbivyi z’Ibikorwa n’Amahoro bategura ireresi bize "Leila", kuri uwo wa gatandatu ni ho batabura igitambara co kwugurura ivyo bikorwa. Inyuma y’amajambo n’indirimbo, zo guhimbaza Imana, Ireresi "Leila" yaciye yerekanwa. Nizigama Gilbert aserukira imbere y’amategeko ishirahamwe, yatumenyeshejeko batanguye kuyitegura kuva mu mwaka w’i 2011. Iyo myaka itatu y’integuro yarimwo kwigisha abakinyi ku bijanye n’amareresi. Ubwo bumenyi babuhabwa n’umuhinga mu vy’amareresi. Uwo ni Gilbert abandanya abivuga.

Nizigama Gilbert aserukira ishirahamwe

"Leila" yaciye ishirwa ku rutonde rw’amareresi mareremare amaze gukinwa mu Burundi kuva mu mwaka w’i 1991. Ku bijanye n’umunsi w’isabukuru ry’ireresi mu Burundi (Festicab), ishirahamwe "Imbivyi z’Ibikorwa n’Amahoro" bazokwifadikanya n’abandi, nantaryo bafashe mu guteza imbere igisata c’amareresi mu Burundi.

Ibikorwa vy’iryo shirahamwe vyuguruwe n’uwaserukiye umushikiranganji w’urwaruka inkino n’imico kama, uwurongoye komine ya Rohero hamwe na bamwe mu baserukira ibihugu vy’abo mu Burundi. Mwomenyako "Leila" avugwa muri iyo reresi ari umuririmvyikazi azwi kw’izina rya Thity Love. Ukwinjira mu vy’amareresi kwiwe tuzobibamenyesha mu makuru y’ejo.

Isanamu ya Thity Love ariko arakina muri "Leila"