Accueil > Ubutunzi > Uburimyi > Abarimyi b’ikawa bahumurijwe n’ibanki y’isi yose
Abarimyi b’ikawa bahumurijwe n’ibanki y’isi yose
mercredi 28 Rusama 2014
Mu gihe hari hamaze iminsi havurwa ko umwimbu w’igiterwa c’ikawa ushobora kugabanuka muri uno mwaka hafi ibice 50 kw’ijana bivanye n’ihinduka ry’ibirere ryibonekeza, ibanki nkuru y’isi yose yiyemeje gushigikira Uburundi mu gushira umutahe mu gisata c’ikawa.
![](local/cache-vignettes/L672xH504/unnamed_1_-4-1e074.jpg?1550742923)
Mu mubonano Philippe Dongier, umuyobozi nshingwabikorwa mu bihugu bitatu biri muri Afrika y’Ubuseruko ari vyo Uburundi, Ubuganda na Tanzaniya mw’ibanki y’isi yose yahawe n’icegera ca kabiri c’umukuru w’igihugu Gerevazi Rufyikiri, akaba yamenyesheje ko hagiye kuboneka akarusho mu gisata c’umwimbu w’ikawa, na rirya ibanki y’isi yose yiyemeje gushigikira Uburundi mu gushira umutahe mu giterwa c’ikawa no mu mukwubaka ingomero z’umuyagankuba za Jiji na Murembwe.
Inama nshingwabikorwa mw’ibanki y’isi yose rero ikaba yemeye kuzobandanya ishigikira Uburundi, ndetse ikabandanya ifasha mu kuzamura umwimbu w’igiterwa c’ikawa hamwe no kwubaka ingomero za Jiji na Murembwe.
![](local/cache-vignettes/L588xH545/unnamed-104-15de9.jpg?1517295694)
Mariella Bukuru