Accueil > Festicab > Abarundi n’amareresi y’abo ari mw’isabukuru ry’amareresi i Arusha
Abarundi n’amareresi y’abo ari mw’isabukuru ry’amareresi i Arusha
mardi 23 Nyakanga 2014
Isabukuru y’amareresi iriko ibera i Arusha mu gihugu ca Tanzaniya, Abarundi batari bake bakora ibijanye n’amareresi canke bayakina baratumiwe mw’isabukuru.
- Abari mw’isabukuru i Arusha
I Arusha muri Tanzaniya haratangujwe isabukuru ry’amareresi izomara indwi yose kuva kw’igenekerezo rya 20 Nyakanga gushika igenekerezo rya 27 ukwo kwezi nyene. Ku ruhande ry’Abarundi, haratumiwe Ngabo Leonce asanzwe arongoye isabukuru ry’amareresi mu Burundi "FESTICAB", Floriane Kaneza arongoye umurwi w’abakinyi b’amareresi "ITULVE".
Ku ruhande rw’amareresi, ireresi ndende i MASHOKA yanditswe na Jean Marie NDIHOKUBWAYO na "Ashley" ya Ibra KWIZERA nizo zatowe guseruka muri iyo sabukuru.
Mu nyigisho z’ibijanye n’amareresi, ivyigwa bitari bite birategekanijwe. Muri izo nyigisho, Abarundi 3 bariko baronswa izo nyigisho ku cigwa " Umwitwarariko w’urwaruka hamwe no kwijukira imico n’akaranga vyo muri Afrika", nabo ni Lynda Kana, Hussein Butoyi na Emy Emery Nsengiyumva.
Cherif Nkeshimana
