Gihanga : Abaganga barasubiriye guhagarika akazi

Abaganga bo mu ntara ya Bubanza, komine Gihanga barahagaritse akazi kuva ku munsi w’ejo, ku ncuro ya gatatu, biyamiriza ingingo yafatiwe batatu mubo bakorana yo kubahindurira aho bahora bakorera kandi amategeko atubahirijwe.

Nk’uko bamwe mubagize sindika y’abaganga muri komine Gihanga babimenyesheje, abo bahinduriwe aho bakorera nta kindi bariko barahorwa atari ibikorwa vyo muri sendika, aho mbere bakamenyesha ko uwutwara akarere k’ubuvuzi muri iyo komine ata yindi ntumbero afise atari ugutera ubwoba abaja imbere mu bikorwa vya sendika.

Ku ruhande rw’abo vyega, umushikiranganji w’amagara y’abantu no kurwanya ikiza ruhonyanganda Sida yamenyesheje ko nyabuna abo baganga boraba namba ukwo guhindurirwa kwakozwe hisunzwe amategeko.

Mu ndwi iheze, intumwa zo mu muryango w’ababikira Bene Mukama, abaserukira sendika y’abaganga i Gihanga n’abaserukiye ubuyobozi bw’intara y’ubuvuzi baragiranye inama, bariko barabira hamwe icatumye abo baganga batatu bahindurirwa akazi. Gushika n’ubu, izo mpande zose ntizirumvikana kuri ico kibazo, abaganga nabo bakaba babandanya basaba ko iyo ngingo yo guhindurira aho bakorera bagenzi babo