Accueil > Amagara y’abantu > Ibintu bitanu bibuza abantu kuronka itiro
Ibintu bitanu bibuza abantu kuronka itiro
vendredi 9 Rusama 2014
Tumenyereye kubona akenshi ko iyo umuntu agiye kuryama ateba akaronka itiro, ariko hari igihe bishika iyo aryamye akabura itiro. Bimwe mu bituma umuntu ataronka itiro uko yaravyiteze, usanga ari ibintu mbere bito bito mugabo atarivyo kwanjanjwako.
![](local/cache-vignettes/L300xH168/agatiro_pi-702e7.jpg?1517262485)
Mu matohoza yakozwe, abashakashatsi barerekanye bimwe mu bintu bituma abantu bashobora kutaronka itiro igihe bagiye kuryama.
1) Guhindagura amasaha yo kuryama
![](local/cache-vignettes/L400xH400/horloge_changante-03c61.jpg?1517262485)
Bamwe mu bashakashatsi bononosoye ibijanye n’itiro, bavuga ko kuryama umwanya muremure mu minsi y’akaruhuko, nko ku minsi ya gatandatu no kuw’Imana bikoroga amasaha umubiri wari waramenyereye kuvyukirako. Iyo rero umuntu ahinduye amasaha yo kuryamirako no kuvyukirako, umubiri nawo nyene uca uhindura uko wari wamenyereye gukora mu kuzana itiro. Ivyo rero bigaca bituma umuntu ataronka itiro uko yaravyiteze.
2) Kuryama ahantu hashushe
![](local/cache-vignettes/L275xH183/termometre-7a677.jpg?1517262485)
Mu cirwa giheruka gukorwa, umushakashatsi Martha Jefferson wo muri Reta Zunzubumwe z’Amerika, arerekana ukungene ubushube buba buri ahantu umuntu aryamye bushobora gutuma umuntu ataronka itiro iyo aryamye. Avuga ati : « Ubushuhe bw’umuntu bukurikira ukungene amasaha y’umunsi agenda aragenda. Ku muhingamo ubushuhe buba ari bwinshi, bukagenda buramanuka gushika isaha 11 zo mu gitondo. Itiro naryo rikaba ritegekanijwe gutangura kuza igihe ubushuhe butanguye kugabanuka. Iyo habandanije hashuha rero, n’itiro ntiriheza ngo rize . Ku bisanzwe icumba umuntu aryamamwo gitegerezwa kuba gifise ubushuhe buri hagati y’ama degré 16 na 19 ».
3) Kugira ubwoba bwo kuryama ahantu hatabona
![](local/cache-vignettes/L251xH201/noir-bbec0.jpg?1517262485)
Kugira ubwoba bwo kuryama ahantu hatabona,n’inyifato ikunze kwibonekeza kenshi ku bana ariko abahinga mu vy’inyifato bavuga ko no ku bakuze iyo nyifato yibonekeza. Ivyo bikavana n’ukungene umuntu aba yarakuze. Abahinga mu vy’itiro bavuga ko ubwoba ari umwansi w’itiro kubw’ukuguma bagangabuka iyo baryamye.
4) Gufungura inyama zitukura mw’ijoro
![](local/cache-vignettes/L318xH159/viande_rouge-14afe.jpg?1517262485)
Gufungura canke kunywa ibintu bituma umutima utera cane, nk’inyama zitukura, indya zirimwo ipiripiri, izirimwo ibinure, kunywa icayi canke ikawa hasigaye umwanya muto ngo umuntu aryama, biri mu bituma umuntu ataronka itiro. Abahinga bavuga ko izo mfungurwa zifata amasaha menshi kugira umushishito uzisye, ivyo bigatuma umuntu ataronka itiro kuko umubiri wiwe uba ugikora.
5) Kuryama hari ukwezi
![](local/cache-vignettes/L271xH186/lune-f72f9.jpg?1517262485)
Icirwa cakozwe kuri kaminuza y’i Bale mu gihugu c’Ubuswise, kivuga ko, ivyo bita « hormone » zituma haba itiro, zigabanuka kugeza ku bice 30 kw’ijana iyo hatse ukwezi mw’ijoro. Iyo hari ukwezi mw’ijoro, muri rusangi, umuntu yoba atakaza iminota igera kuri 20 maze no gutora vuba itiro bikagorana.
Abagize ubushakashakatsi kubijanye no kubura itiro bahamagarira abantu kugerageza gukurikiza izo mpanuro, kuko umuntu ataryama uko bikwiye bishobora kugira izindi ngaruka ku magara, aha hakavurwa nko kugira uburuhe budahera.
BUKURU Mariella
Messages
9 Rusama 2014, 19:26, par Wa-big jogos
Kuvyerekeye izompanuro nivyiza, kuko birafasha cane abantu.nkajewe ndamaze kuhagirira akamaro,muzobandanye uko.ok yari:Butoyi.J.Issa
9 Rusama 2014, 19:27, par Wa-big jogos
Kuvyerekeye izompanuro nivyiza, kuko birafasha cane abantu.nkajewe ndamaze kuhagirira akamaro,muzobandanye uko.ok yari:Butoyi.J.Issa
11 Rusama 2014, 11:15, par Djuma
turabashimiye kumpanuromwama mwatugiriye murakoze
24 Rusama 2016, 17:12, par hicham
Salam
Ana ismi hicham a3icho fi lmaghrib 3omori 20sana otabi3o dirasati fi takwin lmihani
24 Rusama 2016, 17:15, par hicham
Salam
Ana ismi hicham a3icho fi lmaghrib 3omori 20sana otabi3o dirasati fi takwin lmihani
22 Ruheshi 2017, 22:03, par Niyonkuru Venuste
murakoze cane kurizo mpanura mwatanze kuko jewe ndashika 02:00 cank zikarenga ntarasinzira nari narabuze ikibitera
22 Ruheshi 2017, 22:07, par niyonkuru venuste
murakoz cane kuko jewe nari narabuze ico bivako