Ibitaro Ntita vyahawe imfashanyo ya "Appareil Radiographique"

Ibitaro Ntita vyo mu ntara ya Gitega,vyararonkejwe imfashanyo igizwe n’icuma gifotora mu mubiri (appareil radiographique) n’amamatera ashika 25.

Iyo mfashanyo ikaba yatanzwe n’ishirahamwe Izere-Hollande, ku munsi w’Imana igenekerezo rya 17 Ntwarante 2013.

Umuntu aravye ibikenewe bikibuze muri ivyo bitaro,iyo mfashanyo yatanzwe,ngo yoba ari nk’ima ry’amazi basutse mw’ibahari.Ivyo n’ivyavuzwe na Muganga wo kuri ivyo bitaro Ntita.

Muganga Paul Banderembako yakoze kuri ivyo bitaro,yahamagariye imvukira zose zo muri Ntita kwitanga kugira bateze imbere aho hantu hasivye.Yari yibangikanije n’ivyuma bisohora amajwi yahaye Korare ya paruwasi Ntita.