Ibitaro vy’i Muyinga vyateye intambwe muvy’ubuvuzi

Ni inkuru nziza ku barwayi bo ku bitaro vy’i Muyinga n’abanyagihugu begereye ivyo bitaro kuko ubu abandikiwe guterwa amaraso bagiye kuyaronswa bitagoranye.

Umuyobozi w’ibitaro vy’i Muyinga, muganga Eric Manirakiza yamenyesheje ko ivyo bizopfunyiriza urugendo abarwayi bahora bategerezwa kuja ku bitaro vy’i Ngozi n’ahandi kure.

Muganga Eric Manirakiza yahamagariye abanyagihugu bo mu ntara ya Muyinga gutanga kenshi amaraso kugira mu bubiko bw’ibitaro haze hame amaraso yo gutegekanya.