Accueil > Amakuru > Utuntu n’utundi > Irani: abakenyezi basa n’abatarekuriwe urukino rwo kwoga
Irani: abakenyezi basa n’abatarekuriwe urukino rwo kwoga
vendredi 5 Mukakaro 2013
Ibirometero 20 Elham Asghari yamaze ariko aroga ku nkengera y’igisagara ca Nochahr (muri Irani) yarwijwe n’ubusa na Marzieh Akbarabadi, icegera c’umushikiranganji ajejwe ivyerekeye abagore n’inkino wo muri Irani. Uwo mukenyezi akaba yariko aharanira ukuba uwambere yoze ikirere kinini mu mwanya muto.
![](local/cache-vignettes/L650xH300/nageuse-iran-zoom_650x300-195f2.jpg?1517390077)
Inyuma y’amasaha 8 ariko aroga ku mpande z’igisagara ca Nochahr, imbere y’uwuserukira ishirahamwe ry’abanonotsi b’umukino wo kwoga. Inyuma y’uwo mwanya, yabaye umukenyezi ashoboye kugira ico kirere kuri uyo mwanya. Ariko ashitse imusozi ntibamuhaye iteka yari yiteze. Imvo nayo akaba ari uko yari yambaye impuzu zo mu mazi zokoga zitemewe n’itegeko ryaki islam rya “Charia”.
Ku rubuga rwiwe rwa facebook, uwo mukenyezi w’imyaka 32 akaba yavuze ko vyamubabaje cane. Ati: “Umukino wo kwoga si umukino uhariwe abagabo gusa. Abakenyezi natwe turafise uburenganzira bwo kugira urwo rukino”. Elham Asghari akaba yongeye gutangazwa niyo ngingo y’uwaserukiye ubutegetsi bwa Irani. Yavuze ko atakintu kibujijwe yari yambaye.
Umushikiranganji babonanye mu nyuma akaba yabwiye uwo mukenyezi ko yohindura umukino. Elham Asghari akaba yagize ati: “ Mbega umunonotsi mu kwoga yoba umunonotsi mwiza gute muri tennis?”.
Luc-Noel INGABIRE